माँ री माँ मनै एक इसा mst यार बणाया

माँ री माँ मनै एक इसा mst यार बणाया
MA करे पाछै पत्ते तोड़ गया टोह्या बी नी पाया

पहली साल की बात सै माँ
ठाडा उस का गात सै माँ
संदीप कँवल नाम सै माँ
... भुरटाना उसका गाम सै माँ
छोरीया तै घना शर्माए करदा
छोरया तै भी घाट बतलाये करदा
या झिझक तोड़ण खातेर उस पै सांग भी कराया
MA करे पाछै पत्ते तोड़ गया टोह्या बी नी पाया

अजय वर्मा नै पहली बरी मेरे तै मिलवाया था
मनमोहन का छोटा भाई सै साथ मै बतलाया था
पहली बार ओ मन कोरियोग्राफी मै फसाया था
बाद मै स्कीट के माह पुलिसिया बनवाया था
प्ले मै तो फेर ओ चंट हो लिया लाम्बे गाने गा कै
सांग बनया कदे सांगी अर कदे नाच्या धोती ठाकै
कुरुक्षेत्र मै किसान बणाकै स्टेज पै भी रुवाया
MA करे पाछै पत्ते तोड़ गया टोह्या बी नी पाया

यारा का ओ यार बण गया उसके कमरे पै धूमे ठाए
उस की गेल रह कै नै कई भुंडे सुथरे यार बनाये
कदे देखी फिल्म उस गेल कदे रामलीला
लेपटोप चोरी होगया हांडे ठाणे तसिला
कमरे पै यारो हमनै मिल कै खूब खीर बनाई
जांगडे तै ले कै बाह्मण तक सब तै खूब खुवाई
फ्री माइन्ड करण खातर मन ताश भी खेलना सीखाया
MA करे पाछै पत्ते तोड़ गया टोह्या बी नी पाया

कुछ दिन पाछै री माँ उस नै एक बणिया यार बणाया
गेल्या राख्या गेल्या खुवाया अर गेल्या ही सुवाया
फेर उस बणिये नै उस छोरे की यारी का मोल नी पाया
दस हजार तली दे कै भाज गया कदे फोन भी नी ठाया
बणिये खातर छोरे नै एक गाणा भी बणाया था
मित्र मण्डली मै बैठ कै उसनै कै बार सुणाया था
भाजे पाछै संदीप नै गाणा बी पाड़ बगाया ..........
MA करे पाछै पत्ते तोड़ गया टोह्या बी नी पाया


पेपरां पाछै दोनु एक बै शिमला घूम कै आये थे
चंडीगढ़ अर दिल्ली भी हामनै खूब जुते तुडाये थे
फेर होगया बियाह छोरे का ओह फुल्या नहीं समाया
चांग गाम मै जा कै छोरा चाँद सी बहु बयाह ल्याया
बियाह पाछै ओ छोरा ईद का चाँद बनदा जावै सै
कदे कादाये फेसबुक पै ऑनलाइन नजर आवै सै
जद भी दीखै सै गात मै होता नहीं समाया ...........
MA करे पाछै पत्ते तोड़ गया टोह्या बी नी पाया

माँ री माँ मनै एक इसा mst यार बणाया

MA करे पाछै पत्ते तोड़ गया टोह्या बी नी पाया