आज-काल की राजनीति हलचल पै एक छोटी सी कविता भाईयो थोडा सा सोचियो अर भाई अजय सिंह चैटाला नै जिताईयो

आज मैं ताजा-ताजा बात लिख्ूंा सूं
राजनीति म्हं होरी खुबात लिखूं सू
सब गलियां म्हं रूका चालरा सै
घणे जणा का कालजा हालरा सै
सबकै मन म्हं थोड़ी-थोड़ी टेंशन सै
अर् भाईयो लोकसभा का यो बिचला इलैक्शन सैं।।

सारी गलियां म्हं रौनक आरी सै
कदे पजेरो के एंडेवर जारी सै
इबकै इलेक्सनां म्हं कौन जीतैगा
जनता सारी जिकर चलारी सै।।

चार पार्टियां के तीन जणै इलैक्शन लड़ण लागरैं सै
सबकै मन म्हं थोड़ा-थोड़ा मिठास भरण लागरैं सै
कोए अजय चैटाला नै अर कोए कुलदीप नै जितारा सै
कांग्रेस आले जेपी का तो इबे नंबर तीसरे पै आरा सै

अर कोए जात-पात, क्षेत्रवाद का नाम देणा चावै सै
अर कोए विकास के नाम पै बोट लेणा चावै सै
सिर्फ एक जणा अपणी छवि तै वोट जोडै सै
इलैक्शन का मुंह आप कानी मोडै सै

सारी जनता आज इस सरकार नै कौसे सै
मंहगाई बढ़ादी भाईयो गरीब का रूपया खोसे सै

एक नेता का बाबू एससी भाईचारा नै पाड़गा
एसी ए बी का जहर घोलगे आप पल्ला झाड़गा
आज ए अर बी आले उन्नै बोट देण का नाम नहीं लेन्दे
नूं कहवैं सै भाईचारा नै पाड़णियां नै बोट कोन्या देन्दे
नोन जाटां का नारा देके आपकी ए कमी करावै सै
यो ए नारा तो जाटा म्हं एकता बढ़ाव सै

जाट बोली कोम ना सै भाईयो, काम करके दिखावगें
मजबूत जाट नेता नै, जीता कै दिखावगें
अर क्यूं जितावगें, नेता तगड़ा पारया सै
मुख्यमंत्री का छौरा सै सारै छारया सै
सबे किते वो एंडी छवि बणारया सै
हर किसे नै आज चश्मा भारया सै
इनेलो एक बार फेर सत्ता म्हं आरया सै

मैं आज जो बात लिखी सै
सब तारतै ए सिखी सै
जनता आवाज लगारी सै
कांग्रेस नै दबारी सै

जात-पात करणियां नै जनता मजा चखावगी
जिसका बाप बणै मुख्यमंत्री, उसनै जितावगी
जो जीतैगा वो सारै छावगा
राज हरियाणा का पलटा खावगी

सारे पुराणी बात अर बादे नेता जी नै याद दुवाईयो
दाउं पुरा सोच - विचार करके बोट गैर के आईयो
आपकै बोट आए जरूर करवाईयो
जो हो उस महापुरूष का पोता
बटन चश्में का ए दबाईयो।।।।