भाईयो आज के हालात तारै सामी सै इक लूट-खसोट की सरकार नै जनता तई धोखा दिया सै, आज यो बिचला इलैक्षन म्हं एक बार इन चार कलियां नै पढकै और थोडा सोचके चष्मे का बटन दबा दियो
लूट लिया ताउ प्रदेष तेरा, तु कदै हरियाणा आवै सै
देवीलाल सा राम राज इब, जनता लायाणा चाहवै सै।
बिन पिलसण बूढे मरग्ये, देवै ना सरकार
नौकरियां की बोली लाग्गै, ये रोवै बेरोजगार
प्रोपर्टी डीलर का धंधा कर री सै सरकार
माॅं-बहना पर लाठीचार्ज ओ जूल्मी अत्याचार
लायवां सा सरकार चैटाला नैया पार लैगावै सै
देवीलाल सा राम राज इब, जनता लायाणा चाहवै सै।
बिजली-पाणी बिन तंग पारै, तु दिल्ली भैज्य सारी
याणै बालक रूदन मचावै, तैन दया कति ना आरी
सारै काम अधूरे रहग्ये, किस्मत फूटी म्हारी
जूल्म सहन की हद हौल्यी सै धणी गरीबी छारी
रौवै सै सब नर-नारी, इब धणै पछतावै सै-2
देवीलाल सा राम राज इब, जनता लायाणा चाहवै सै।
दो जूण की रोटी कोन्या, करदी खूब मंहगाई
खाद, बीज के रेट बढ़ादिये,जमीदारां की करड़ाई
निर्धन जन का गला धोटकै, या सरकार चलाई
लूट-लूटकै सारी खाग्यै जनता की नेक कमाई
ईब होज्यागी मनचाही भाई, चष्में का बटन दबावै सै-3
देवीलाल सा राम राज इब, जनता लायाणा चाहवै सै।
हरियाणा का देख सोनिया, कर दिया सत्यानाष तनै
कांगे्रस का हाथ गरीब के साथ, करदी या बकवास तनै
धोखा दे कै वोट ले लिये, तोड़ दिया विष्वास तनै
मनमोहन भुरटाणे आला करवादे अहसास तनै
बात बता दू खास तनै, सरकार ईनेलो आवै स
देवीलाल सा राम राज इब, जनता लायाणा चाहवै सै।
लूट लिया ताउ प्रदेष तेरा, तु कदै हरियाणा आवै सै
